الرئيسية / أخبار صور و الجنوب / بالصوت … #صيدا_تنتفض تذيع في الأحياء توجيهات للوقاية من الكورونا

بالصوت … #صيدا_تنتفض تذيع في الأحياء توجيهات للوقاية من الكورونا

شارك اخبارنا

ذاع ثوار #صيدا_تنتفض في سيارة متنقلة توجيهات للوقاية من فيروس الكورونا.

وقد جابت السيارة التي تحمل مذياعاً شوارع وأحياء مدينة صيدا والجوار مروراً  بمنطقة سينيق، والمدن الصناعية، والسوق التجاري، وصولاً إلى منطقة كفرجرة والمناطق المحيطة بمدينة صيدا.

ومما جاء في توجيهات #صيدا_تنتفض:

اهلنا بصيدا الحبيبة

بعيدا عن سلطة الفساد والفاسدين ولأنه صحتك بتهمنا  و هي الاساس … نحنا حابين اليوم نحكيكم عن الكورونا …

يا أهلنا الكورونا مش مزحة ومش مرض بسيط …

 الكورونا هو مرض العصر  دول كبييرة ما قدرت لليوم تسيطر عليه … والمشكلة انه إمكانياتنا بلبنان ما بتسمح انه نتصدى لهالمرض …

كرمال هك هالشغلة بدها شوية وعي ومسؤولية من الجميع …

وهلأ خلونا نحكي شوي عن هالمرض …

الكورونا مرض بينتقل عبر الرذاذ التنفسي من شخص مريض … و من ملامسة الاسطح الملوثة بالفيروس … او من مشاركة ادوات الطعام مع الآخر … و من اكل الطعام الغير مطبوخ … او حتى عبر الإتصال غير المحمي مع  الحيوانات البرية …

كيف بتحس إنك مصاب بفيروس الكورونا ؟

لما يكون عندك حرارة وسعال وضيق نفس شديد… هيدة العوارض كتير بتشبه عوارض الكريب بس  احيانا بتكون اقوى …كرمال هك لازم تنتبه وتراجع حكيمك بسرعة إذا حسيت إنه هالامور عم تتفاعل بقوة عندك … وبدك تنتبه إنه هالمرض ممكن يأدي لموتك إذا ما عالجته بسرعة …

كيف بتحمي حالك وعايلتك من هالمرض  ؟

هالمرض لليوم ما إلو علاج … ولكن متل ما بقولو الوقاية خير من العلاج …

والوقاية بتكون  على الشكل الآتي :

اولا : دايما غسل ايديك منيح بالني والصابون او بالمعقمات اذا ما كان في مي …

ثانيا : تجنب الجلوس مع إنسان مبين عليه عوارض المرض

ثالثا : تجنب التجماعات العامة كالمطاعم والمقاهي …

رابعا : غطي فمك عند السعال وغسل يداك بعدها

خامسا : خلي اكلك صحي ومطبوخ منيح .

سادسا: عقم المسطحات والأدوات يلي بتستعملها بمي وكلور … ونشفها كتير منيح ..

وأخيرا : إتصل بطبيك مباشرة إذا حسيت بعوارض المرض وما تستهتر بحياتك وحياة غيرك …

يا اهلنا الأعزاء الحل الوحيد يلي قدمنا اليوم حتى ننتصر على هالمرض هو نشر الوعي وعدم الإستهتار …

لانه صحتك بتهمنا ولانه نحنا منك وانت منا ساعدنا وياعد حالك حتى ننتصر على هالمرض …

مع كل محبتنا

اخوانكم بصيدا تنتفض

عن Admin

شاهد أيضاً

وفد ملتقى الجمعيات الأهلية في صور و منطقتها زار الإعلامية الشاعرة وفاء بيضون مهنئاً

شارك اخبارناوفد ملتقى الجمعيات الأهلية في صور و منطقتها زار الإعلامية الشاعرة وفاء بيضون مهنئاً …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *