الرئيسية / بأقلامنا / عنا بدولتنا الشعب غفلان بقلم الشاعر قاسم الحسيني

عنا بدولتنا الشعب غفلان بقلم الشاعر قاسم الحسيني

شارك اخبارنا

عنا بدولتنا الشعب غفلان
وناطر زعيمو يقول شو قرّر
عنّا بدولتنا الأمن فلتان
والقادمي خايف من الأزعر

عنا بدولتنا النهب منصان
روحوا اسألوا نوابنا أخبر
عنا بدولتنا العدل منهان
وميزان حكم المحكمه مْزوّر

عنا بدولتنا الزفت غرقان
بمي المجارير اللي عم تكتر
عنا بدولتنا الورد دبلان
ومحروق دين المسك والعنبر

عنا بدولتنا الشغل هربان
ع كون تاني ما إلو مصدر
عنا بدولتنا الدمع رخصان
وغالي الفرح بعيون المعتّر

عنا البحر نافر من الشطآن
وصار الزبل ع رمالها مصبّر
الشعب اللي همو بس يا لبنان
يهتف لإبن فلان وفليتان
ستين عمرينو ما يتحرّر

(قاسم الحسيني)

عن Admin

شاهد أيضاً

نحن شعب لا نيأس بقلم السيد هاشم فضل الله

شارك اخبارنامن قلب المعاناة ولدنا وفي أرض المقاومات نشأنا ورضعنا العناد والقوة وتحطيم اليأس نحن …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *