رثاء المؤرخ والمربي والمعلم السيد حسين شرف الدين بقلم نجاد حسين شرف الدين

كان بعد عندي كومة احلام وخبار،
وكلام وجمل وسطور جدية
كان بعد بدي من دياتك لقمتين زغار،
تا تزهر بقلبي ورود أبدية
كان بعد بدي اسمعك بنغمات النهار،
وتحدي لإبني ونام حدك مسوية

بكّرت..

بقول العمر ما بينقاس زمن وسنين مطوية
معك بينقاس العمر ربيع وحسون ع غصن لوزة زهرية

بفياتك
الحلم بصير قصور
خدمة ونعمة وآفاق مضوية
بفياتك
الكلمة بتصير أشعار
وسرج وخيول راجعة من رحلة صيد أزلية
بفياتك
لطوتي انا وتعبان
متل القاعد بفية شجرة أرز دهرية
نجاد حسين شرف الدين